خبر ابيض | أشرف عبدالغفور : فقدت المتعة في التمثيل وحزين لأني مشتغلتش مع عاطف الطيب

/20721/أشرف-عبدالغفور–فقدت-المتعة-في-التمثيل-وحزين-لأني-مشتغلتش-مع-عاطف-الطيب


11:00 PM – الإثنين 6 يونيو 2022

أشرف عبدالغفور – عاطف الطيب


كتب

رانيا سليمان

غاب أشرف عبدالغفور عن جمهوره خلال القترة الماضية، ولم يظهر في أي عمل فني سواء في رمضان أو خارج دراما الشهر الكريم.

 

وتواصل خبر أبيض معه لمعرفة أسباب غيابه، وقال في تصريح خاص : أغيب عن التمثيل لأسباب عديدة، ولكن يمكنني القول إني فقدت متعة التمثيل كما فقد زين الدين زيدان متعة اللعب قبل اعتزاله.

 

وتابع : الشغف والبحث عن المتعة في الشغل ضاع، بسبب اختلاف بيئة العمل والطريقة اللي اتعودت عليها، زمان كنت أدخل البلاتوه أبقي عارف الناس من أول العامل لأكبر واحد في الشغل، دلوقتي ماحدش بيعرف حد، ويمكن هما كمان مابيبقوش عارفين مين اللي معاهم.

 

وأضاف : أرفض أعمال كثيرة وأدقق في الاختيار، وعندما أجد عمل يلفت انتباهي نختلف على حاجات تانية زي الأجر، واستكمل : المصطلحات الجديدة في عالم الفن تضحكني، مثل مصطلح فنان قدير، وده لقب أنا حصلت عليه من الدولة بعد 30 سنة شغل في المسرح القومي، ومصطلح ضيف شرف أو ظهور خاص وظهور مميز كل دي مصطلحات لازم يبقي دور الممثل فيها مؤثر وفعال جدًا في الأحداث مش مجرد مصطلح.

 

وعن العودة للدراما، قال : أنا مع العمل الكويس اللي بيحمل رسالة مش بس دوري اللي يكون كويس، وحاليًا بعد كل اللي اتعرض عليا حماسي بيقل، وأضاف : ماعنديش تحفظات في العمل، وشاركت العديد من كبار الفنانين ومختلف الأعمار وعاصرت عظماء، ولكن يمكنني القول إني حزين لأني ماشتغلتش مع عاطف الطيب ومرت حياتي الفنية وفقدناه دون التعامل معه.

 

 

/20721/أشرف-عبدالغفور–فقدت-المتعة-في-التمثيل-وحزين-لأني-مشتغلتش-مع-عاطف-الطيب




الخبر من المصدر

الوسوم

مقالات ذات صلة

إغلاق