عمرو أديب بعد نزول محمد رمضان للإسكندرية: “هو الفن بالملعقة”

علق الإعلامي عمرو أديب، على حملات منع الفنان محمد رمضان من إقامة حفلة له في الإسكندرية والمقرر لها في 7 أكتوبر المقبل.

وقال “أديب” خلال تقديم برنامجه “الحكاية” المذاع على فضائية “إم بي سي مصر”: “بعض الناس قالوا أننا لا نرحب بمحمد رمضان في الإسكندرية. فيه ناس تحب محمد رمضان وناس متحبوش”.

وأضاف “الموضوع علي السوشيال ميديا كبر وقالوا الإسكندرية لا ترحب بمحمد رمضان ولكن فيه ناس تانية بتحبه وبتحب غنائه ودي أذواق”.

وتابع “قرر فجأة أنه ازاي وازاي أهل الإسكندرية يقولوا مش عايزينه وقرر ينزل الإسكندرية ويعدي على حارة حارة في استفتاء شعبي أنتوا بتحبوني ولا لا”.

واستطرد “أنا عايز الناس تقولي أنها بتحبني أنا عايز حضرتك تتخيل لما نزل بموتيسكلاته وسلطاته وبابغنوجه. لو كان حصل خناقة بين اللي بيحبوا ومبيحبوش محمد رمضان كان ايه الحل”.

وأردف “هو ينفع الكلام ده والتجمهر لو كان مؤيدي ومعارضوا محمد رمضان ضربوا بعض. لو كان محمد رمضان نفسه اتتعور”.

وأوضح “ايه الفكرة دي هو الفن غصب يا عم أنت تروح تعمل حفلتك واللي عايز يشوف محمد رمضان يشوفوه واللي مش عايز خلاص”.

وتابع “ولكن انزل واعمل تحدي والناس اللي بتحبني تطلعلي. لو كان طلع الناس اللي مش بيحبوك زي اللي قالوا انك اطردت منها في القهوة”.

واستكمل حديثه متسائلًا “هو فيه فن بالزور وبالملعقة. أنا بوريك أنا جامد عمر ما فيه فنان كان بينزل يسأل الناس بتحبوني ولا لا ولا شفنا أم كلثوم ولا محمود ياسين ولا أحمد زكي”.

واستطرد”أرجو أن هذا الأمر يقف لغاية ولا يتطور لغاية 7 أكتوبر ولا نري مؤيدي ورافضي محمد رمضان وجهًا لوجه في شوارع الإسكندرية”.




الخبر من المصدر

الوسوم

مقالات ذات صلة

إغلاق