فيديو.. يسرا اللوزي تكشف حقيقة خضوعها لعمليات تجميل

قررت الفنانة يسرا اللوزي الحديث في شائعات خضوعها لعمليات تجميل وذلك بعد تداول تلك الشائعات عبر مواقع التواصل الاجتماعي المختلفة، عقب ظهورها في مهرجان القاهرة السينمائي الدولي بمظهر مختلف وبوزن زائد بسبب ولادتها طفلتها الثانية “نادية”، مشيرةً إلى أنها قد تجاهلت تلك الشائعات كثيراً بسبب صعوبة تصديق الجمهور لأي فنان ينفي الخضوع إلى عمليات التجميل، وأنها فضلت أن تصمت حتى يكتشف الجميع أن تبدلها يرجع إلى سمنتها بعد الولادة فقط وأنها ستعود كما كانت خلال فترة بسيطة.

وتابعت -خلال لقاءها ببرنامج “معكم منى الشاذلي”، مع الإعلامية منى الشاذلي، عبر فضائية “سي بي سي”- قائلة: “أي صورة لازم يطلع إشاعات عن أي حاجه، توقعت الناس هتبقى فاهمة أني لسه والده، بالذات أنا كنت بنزل فيديوهات على صفحتي على الفيس بوك قبل الولادة، من السنة اللي فاتت وقت الحمل صورّت إعلان والناس قالت عاملة عمليات تجميل لكن بقعد أضحك”.

واستكملت: “أنا مش محتاجه أبرر حاجه لحد، وأنا مهما قولت وأحلفلك مش هتقتنعوا برضو، لأن كل الفنانين اللي عملوا قالوا أنهم معملوش، فخلاص اللي عايز يفضل مقتنع أني عامله تجميل خلاص خليه مقتنع، وأكيد هخس وهيبان أني مش عاملة تجميل.. كان فيه تنمر ولسه قدامي 7 شهور عشان أرجع لوزني الطبيعي”.

واختتمت: “اللي أنا استغربته، احنا في مجتمع شرقي وجسم الست مش رفيع في المنطقة عندنا مع عادتنا وتقاليدنا، وأجسامنا مختلفة عن الأوربيين، فمش حاسة أني كنت حاجه شاذة أو أوفر أكيد كل الناس عندهم حد في عيلتهم خلّفوا، وأنا لما أتعرض عليّا أكون عضو لجنة تحكيم في مهرجان القاهرة السينمائي ترددت عشان برضع طبيعي وفيه مواعيد للرضاعة، وبعدين قولت هطلع عشان مهم أن الناس تشوفني كده وأنا بشر وإنسانه طبيعية”.

 

الفيديو…

خاص من المصدر

مساحة إعلانية - ضع إعلانك هنا
الكلمات الدلالية
إعلان

إقرأ أيضاً:

إغلاق